~~META:
title = Леанід Дайнека — Ёсць першабытна-дзікая краса...
&keywords = апошні, пушчы, заблудзіўся, дажывае, панылы, жаўтлявы, веткі
&abstract = Чытаць верш Леаніда Дайнекі "Ёсць першабытна-дзікая краса..."
&iftrue = nan
~~

====== Леанід Дайнека — Ёсць першабытна-дзікая краса... ======
Ёсць першабытна-дзікая краса\\
У ціхай свежасці кутка ляснога,\\
Дзе ні згрызот, ні звяг, ні вока злога,\\
Дзе кожная расінка, як сляза.\\
\\
Танцуе ў змроку сонечны прамень.\\
Ён за далёкай хмарай нарадзіўся,\\
Ён у бязмежнай пушчы заблудзіўся\\
І дажывае свой апошні дзень.\\
\\
Ён прамільгне вавёркай па сасне,\\
Асвеціць мох панылы і жаўтлявы,\\
Разбудзіць птушку, скоціцца на травы,\\
На вуснах кветкі вечным сном засне.

 


===== Падобныя старонкі =====
  * [[ibdc.ped>зімовы-начлег]]
  * [[ibdc.ped>чалавек-і-прырода]]
  * [[ibdc.ped>крыштальны-звон-бяроз]]
  * [[творы/якуб-колас/карціны-роднай-прыроды-ў-паэме-новая-зям]]
  * [[ibdc.ped>беражыце-прыроду]]