~~META:
title = Леанід Дайнека — Радзіме
&keywords = Радзіма
&abstract = Чытаць верш "Радзіме" Леаніда Дайнекі
&iftrue = nan
~~

====== Леанід Дайнека — Радзіме ======
Ты пачыналася ў лясах,\\
Дрымучых, неабдымных.\\
Ты пачыналася ў слязах\\
I ў песнях салаўіных.\\
Ішла пастушкай па раллі,\\
Была жняёй у полі,\\
I ў час пакут цябе вялі\\
У полымя сляпое.\\
Радзіма, дай з табой пабыць,\\
Бо я ішоў здалёку.\\
Радзіма, дай усмак папіць\\
Бярозавага соку.\\
Спляліся ў вянок адзін\\
I колеры і гукі.\\
Стаю, маўчу, бяру з галін\\
Лісточак – сонца ў рукі.

 


===== Падобныя старонкі =====
  * [[творы/алесь-разанаў/алесь-разанаў-радзіма]]
  * [[творы/янка-купала/тэма-народнага-жыцця-і-любоў-да-радзімы-]]
  * [[ibdc.ped>скарбы-нашай-радзімы]]
  * [[ibdc.ped>ганарымся-бацькаўшчынай]]
  * [[творы/алесь-бачыла/алесь-бачыла-радзіма-мая-дарагая]]