~~META:
title = Леанід Дайнека — Народ
&keywords = Дайнека, народ
&abstract = Чытаць верш Леаніда Дайнекі "Народ"
&iftrue = nan
~~

====== Леанід Дайнека — Народ ======
Проста ў космас імчым\\
Ці праполваем градкі,\\
На футболе крычым\\
Для нервовай разрадкі,\\
Ладзім новы завод,\\
Каб там сталь забурліла.\\
Мы — народ. Мы — народ.\\
Мы — галоўная сіла.\\
Косім луг па расе.\\
Крочым штольняю цеснай.\\
Помнім, хоць і не ўсе,\\
Сваіх прадзедаў песні.\\
Плачам, сціснуўшы рот,\\
Ля бацькоўскіх магілаў.\\
Мы — народ. Мы — народ.\\
Мы — галоўная сіла.\\
Мы — граніт і метал.\\
Мы — пяшчота і ласка.\\
Мы — разгневаны шквал.\\
Мы — дзіцячая казка.\\
Мы — алмазная грань.\\
Зорных дзён узыходы.\\
Не зблудзі. Не адстань.\\
Стань часцінкай народа.

 


===== Падобныя старонкі =====
  * [[творы/васіль-зуёнак/васіль-зуёнак-будучыня]]
  * [[творы/якуб-колас/служэнне-народу-асноўны-абавязак-мастака]]
  * [[творы/якуб-колас/якуб-колас-народ-у-трылогіі-на-ростанях-]]
  * [[ibdc.ped>душа-народа]]
  * [[творы/юрась-свірка/юрась-свірка-верны-крэўнаму-брацтву]]