~~META:
title = Леанід Дайнека — Зімовая элегія
&keywords = снег
&abstract = Чытаць "Зімовую элегію" Леаніда Дайнекі
&iftrue = nan
~~

====== Леанід Дайнека — Зімовая элегія ======
Вечар за пазухай поўню трымае,\\
Паказваць скалелай зямлі не хоча.\\
Па дрогкіх рэйках бягуць трамваі,\\
У цемры гараць электрычныя вочы.\\
\\
Снег на зямлю баіцца ўпасці.\\
Пад сінім ільдом халадзее планета.\\
Шчасця няма. Ёсць сум аб шчасці.\\
Хопіць і гэтага для паэта.

 


===== Падобныя старонкі =====
  * [[творы/максім-багдановіч/не-кувай-ты-шэрая-зязюля]]
  * [[творы/пімен-панчанка/пімен-панчанка-прысніўся-сон]]
  * [[слоўнік/элегія]]
  * [[творы/аркадзь-куляшоў/аркадзь-куляшоў-элегія]]
  * [[творы/максім-танк/максім-танк-ой-не-гніце-ветры]]