~~META:
title = Леанід Дайнека — Вітаю працай кожны дзень
&keywords = любіць, людзьмі, хочацца, народ, людзей
&abstract = Верш Леаніда Дайнекі "Вітаю працай кожны дзень"
&iftrue = nan
~~

====== Леанід Дайнека — Вітаю працай кожны дзень ======
Вітаю працай кожны дзень\\
І адчуваю, што з гадамі\\
Мне хочацца любіць людзей\\
Усё мацней, усё адданей.\\
\\
Удалеч шлях жыцця вядзе.\\
Бялеюць дні. Чарнеюць ночы.\\
Мне хочацца любіць людзей,\\
Тых, што са мною побач крочаць.\\
\\
З адных крыніц я п’ю ваду,\\
Адно заўжды мне свеціць неба.\\
З людзьмі жыву, з людзьмі іду,\\
І лепшай радасці не трэба.\\
\\
Усе яны – мая радня.\\
І з імі помню я заўсёды:\\
Народ мой вечны, як зямля,\\
Я – зерне у глыбіні народа.

 


===== Падобныя старонкі =====
  * [[творы/васіль-зуёнак/васіль-зуёнак-будучыня]]
  * [[творы/якуб-колас/якуб-колас-народ-у-трылогіі-на-ростанях-]]
  * [[творы/якуб-колас/служэнне-народу-асноўны-абавязак-мастака]]
  * [[ibdc.ped>душа-народа]]
  * [[творы/юрась-свірка/юрась-свірка-верны-крэўнаму-брацтву]]