~~META:
title = Леанід Галубовіч — Тварцам агню
&keywords = агонь
&abstract = Чытаць санет Леаніда Галубовіча "Тварцам агню"
&iftrue = nan
~~

====== Леанід Галубовіч — Тварцам агню ======
Агонь з нічога не ўзнікае.\\
Павінна ўсё-ткі штосьці быць,\\
Што разам з тым агнём знікае,\\
Калі аблонь агню гарыць.\\
\\
Павінен творца быць – мы знаем –\\
Агню, які для нас нямы.\\
Гарым, ствараючы, згараем\\
Ды саграваем іншых мы.\\
\\
А калі сам згарыць тварэц.\\
Агонь – тварцу таму вянец.\\
\\
Я ля агню не раз сумеўся,\\
Не адагрэўшы нават рук...\\
Няўжо,няўжо ён узгарэўся\\
Ад болю нейчага і мук?..

 


===== Падобныя старонкі =====
  * [[слоўнік/вянок-санетаў]]
  * [[слоўнік/санет]]
  * [[творы/янка-купала/янка-купала-для-зямлі-прадзедаў-маіх]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/максім-багдановіч/максім-багдановіч-санет-замёрзла-ноччу-ш]]