~~META:
title = Леанід Галубовіч — Адступаюць лясы...
&keywords = яшчэ, больш
&abstract = Чытаць верш Леаніда Галубовіча "Адступаюць лясы..."
&iftrue = nan
~~

====== Леанід Галубовіч — Адступаюць лясы... ======
Адступаюць лясы.\\
Высыхаюць балоты.\\
Усё меней красы –\\
Усё больш адзіноты.\\
\\
З дбайным сумам глядзяць\\
Землякі-хлебаробы\\
На сваю сенажаць,\\
На свае агароды...\\
\\
Чалавек – уладар,\\
Бог прыроды і знаўца,\\
Толькі ўсё ж гаспадар\\
Яшчэ дрэнны, прызнацца.\\
\\
...Мазалі да крыві,\\
Кроплі вечнага поту...\\
Трошкі больш бы любві\\
Нам яшчэ да работы.

 


===== Падобныя старонкі =====
  * [[творы/леанід-галубовіч/леанід-галубовіч-я-раб-паэзіі]]
  * [[творы/леанід-галубовіч/леанід-галубовіч-верш-паэзія]]
  * [[творы/леанід-галубовіч/творчасць-леаніда-галубовіча]]
  * [[творы/леанід-галубовіч/леанід-галубовіч-мова]]
  * [[творы/леанід-галубовіч/леанід-галубовіч-людскою-разумнаю-воляй]]