~~META:
title = Ларыса Геніюш — Маю душу ў спакоі пакінь...
&keywords = душа, спакой, пакінь
&abstract = Чытаць верш Ларысы Геніюш "Маю душу ў спакоі пакінь..."
&iftrue = nan
~~

====== Ларыса Геніюш — Маю душу ў спакоі пакінь... ======
Маю душу ў спакоі пакінь,\\
дум крылатых не стаў на калені,\\
нат вачэй паднямонская сінь\\
пацямнела ў адчаі цярпенняў.\\
\\
Не скрываю няспутаных дум,\\
узіраюся смела і проста,\\
сваёй сцежкай наперад іду —\\
Юдаў твар для мяне не сяброўства.\\
\\
Мо замала вам грошай далі?\\
Што ж, прадаць вам другіх давядзецца.\\
Прыйдзе час, і на нашай зямлі\\
на пакутнай не будзе вам месца.

\\
1942

 


===== Падобныя старонкі =====
  * [[творы/ларыса-геніюш/ларыса-геніюш-вясковы-дом]]
  * [[творы/ларыса-геніюш/ларыса-геніюш-зіма-мароз-кусаецца]]
  * [[творы/ларыса-геніюш/ларыса-геніюш-зіма]]
  * [[творы/ларыса-геніюш/ларыса-геніюш-аблокі]]
  * [[творы/ларыса-геніюш/творчасць-ларысы-геніюш]]