~~META:
title = Ларыса Геніюш — Кастусь Каліноўскі
&keywords = кастусь, народ
&abstract = Верш Ларысы Геніюш "Кастусь Каліноўскі"
&iftrue = nan
~~

====== Ларыса Геніюш — Кастусь Каліноўскі ======
Калі ў бой на змаганне з катам\\
выйшаў наш адважны Кастусь,\\
за плячамі ён меў занадта\\
мала вёснаў\\
і меў Беларусь.\\
\\
Меў Кастусь свой адвечны, сярмяжны,\\
прагны шчасця, працоўны народ.\\
Толькі волі жадаў недасяжнай –\\
нагароды з усіх нагарод.\\
\\
Боль і путы, чужацкая цемра,\\
лад чужы, здзек чужы і тыран.\\
Толькі ў сэрцы, як вогнішча, вера,\\
што народ будзе сам сабе пан.\\
\\
Толькі сіла ў Яські з-пад Вільні\\
палымяных завостраных слоў\\
ды пад шэраю світкаю крылле\\
і размах, бы вясной у арлоў.\\
\\
О свабода! Тварыла дзівосы –\\
змагара-каваля са слугі.\\
Ты вастрыла сялянскія косы\\
у гарніле адчаю, тугі.

 


===== Падобныя старонкі =====
  * [[творы/іншае/кастусь-каліноўскі-мужыцкая-праўда]]
  * [[ibdc.ped>нявеста-каліноўскага]]
  * [[творы/станіслаў-шушкевіч/станіслаў-шушкевіч-хай-літва-і-беларусь-]]
  * [[творы/міхась-кавыль/міхась-кавыль-кастусь-каліноўскі]]
  * [[постаці/кастусь-каліноўскі]]