~~META:
title = Ларыса Геніюш — Казка
&keywords = месяц
&abstract = Чытаць верш "Казка" Ларысы Геніюш
&iftrue = nan
~~

====== Ларыса Геніюш — Казка ======
У небе срэбнаю касой\\
Прарэзаў месяц хмуры-хмары,\\
І паліліся паласой\\
На дол загадкавыя чары.\\
\\
Бліснула ў возеры вада,\\
Як шкло, пры месяцавым ззянні.\\
I салавейкаў чарада\\
Распачала свае пяянні.\\
\\
Лясун заенчыў у бары,\\
У такт з ім – совіны чароды.\\
Да самай ранічнай зары\\
Русалкі водзяць карагоды.\\
\\
Бо покі срэбнаю касой\\
Спрэс рэжа месяц цёмны хмары,\\
Ліюцца сіняй паласой\\
На дол загадкавыя чары.

 


===== Падобныя старонкі =====
  * [[творы/васіль-вітка/васіль-вітка-вавёрчына-гора]]
  * [[творы/васіль-вітка/васіль-вітка-ппш]]
  * [[творы/васіль-вітка/васіль-вітка-казкі-і-краскі]]
  * [[творы/максім-танк/максім-танк-казка-пра-музыку]]
  * [[слоўнік/казка]]