~~META:
title = Ларыса Геніюш — Зайка
&keywords = зайка, скок
&abstract = Верш Ларысы Геніюш "Зайка"
&iftrue = nan
~~

====== Ларыса Геніюш — Зайка ======
Між кустамі\\
Між густымі\\
Скок ды скок,\\
Бегаў зайка, прытаміўся,\\
А за дрэвам прытаіўся\\
Люты воўк.\\
\\
Зайка скокнуў без аглядкі,\\
Воўк хацеў хапіць за пяткі\\
Ды за бок.\\
\\
У адчыненыя дзверы\\
Да бабулі зайка шэры\\
Хутка скок.\\
\\
Бабка заіньку пусціла,\\
Прытуліла, накарміла.\\
А дзядуля злога воўка\\
Напалохаў дубальтоўкай.\\
\\
А ты, заінька, глядзі –\\
У лес без мамы не хадзі.

 


===== Падобныя старонкі =====
  * [[творы/яўген-крупенька/яўген-крупенька-зайка-дзе-скажы-твой-дом]]
  * [[творы/юрась-свірка/юрась-свірка-зайцава-капустай]]
  * [[творы/аляксей-якімовіч/аляксей-якімовіч-вось-дык-суседзі]]
  * [[творы/алесь-якімовіч/алесь-якімовіч-казка-пра-смелага-вожыка]]
  * [[творы/ядвіга-бяганская/ядвіга-бяганская-петрусёў-гадаванец]]