~~META:
title = Ларыса Геніюш — Дамоў
&keywords = дамоў, сагрэць
&abstract = Чытаць верш Ларысы Геніюш "Дамоў"
&iftrue = nan
~~

====== Ларыса Геніюш — Дамоў ======
Дамоў – на масточак калінавы\\
рванеш – гатовы ізноў\\
падняцца, бадай, па-буслінаму\\
клякочучы песні з палёў.\\
\\
Дамоў – гэта сэрцам да сэрца.\\
Дабрыдзень, мая маладосць!\\
Душой акрыяць, адагрэцца\\
і словам сагрэць кагось.\\
\\
Тут хлеба акраец, як мёд.\\
Падушка, як пух лебядзіны.\\
Бацькі.\\
I магілы.\\
I род.\\
Зямлі сваёй подых глыбінны.

 


===== Падобныя старонкі =====
  * [[творы/ларыса-геніюш/ларыса-геніюш-зіма-мароз-кусаецца]]
  * [[творы/ларыса-геніюш/ларыса-геніюш-аблокі]]
  * [[творы/ларыса-геніюш/ларыса-геніюш-зіма]]
  * [[творы/ларыса-геніюш/ларыса-геніюш-вясковы-дом]]
  * [[творы/ларыса-геніюш/творчасць-ларысы-геніюш]]