~~META:
title = Ларыса Геніюш — Год і яго род
&keywords = прынесла, год, род
&abstract = Чытаць верш Ларысы Геніюш "Год і яго род"
&iftrue = nan
~~

====== Ларыса Геніюш — Год і яго род ======
Год стары дзяцей склікае,\\
Ён да ўсіх пытанні мае.\\
Сеў паважна ў крэсла:\\
– Што, вясна, прынесла?\\
– Я прынесла травы, кветкі,\\
Птушак у неба, рыбу ў сеткі.\\
– А я, лета, нясу хлеба,\\
Маю ягад, колькі трэба,\\
Ўсе зграбаю сенажаці.\\
Не сяджу ніколі ў хаце.\\
Людзям – збожжа, дрэву – плод,\\
Птушкам – гнёзды, пчолам – мёд.\\
– Я, татуля, твая восень,

Змалаціла ўсё калоссе.\\
Ў садзе яблыкі паспелі,\\
Птушкі ў вырай паляцелі.\\
Я арэхаў назбірала,\\
Бульбу ў полі пакапала.\\
– Я, зіма, работу маю:\\
Дол абрусам засцілаю,\\
Я дні-ночы на хаду\\
Пражу белую праду.\\
Едзе сын, Новы год –\\
Вось і ўвесь дзядулеў род.

 


===== Падобныя старонкі =====
  * [[творы/ларыса-геніюш/творчасць-ларысы-геніюш]]
  * [[творы/ларыса-геніюш/ларыса-геніюш-зіма-мароз-кусаецца]]
  * [[творы/ларыса-геніюш/ларыса-геніюш-аблокі]]
  * [[творы/ларыса-геніюш/ларыса-геніюш-вясковы-дом]]
  * [[творы/ларыса-геніюш/ларыса-геніюш-зіма]]