~~META:
title = Ларыса Геніюш — Беларуска
&keywords = Беларусь
&abstract = Чытаць верш "Беларуска" Ларысы Геніюш
&iftrue = nan
~~

====== Ларыса Геніюш — Беларуска ======
Калі цябе, мілы, Краіна пакліча\\
за родны змагацца парог,\\
то суму не будзе ў мяне на абліччы,\\
ні страху не будзе ў грудзёх.\\
\\
Дзявочае сэрца ў хвіліне так важнай\\
ніколі тады ня здрыгне,\\
а буду не менш за цябе я адважнай,\\
каб сілы дадаці табе.\\
\\
Бо сэрца дзяўчыны пад кужалем тонкім,\\
як і сэрца найлепшых сыноў,\\
гарыць то-ж каханнем для роднай старонкі\\
і спадчыны нашых дзядоў.\\
\\
Ты пойдзеш у бой, а я плуг пакірую,\\
каня накармлю, напаю, –\\
і так абаронім, засеем, збудуем\\
Беларусь дарагую сваю.\\
\\
Бо гэтак, як стрэльбы і кулі як звонкай,\\
як сіняе сталі мяча,\\
заўсёды патрэба для нашай старонкі\\
адважных хлапцоў і дзяўчат.\\
\\
1939

 


===== Падобныя старонкі =====
  * [[творы/ларыса-геніюш/ларыса-геніюш-аблокі]]
  * [[творы/ларыса-геніюш/ларыса-геніюш-зіма-мароз-кусаецца]]
  * [[творы/ларыса-геніюш/ларыса-геніюш-вясковы-дом]]
  * [[творы/ларыса-геніюш/творчасць-ларысы-геніюш]]
  * [[творы/ларыса-геніюш/ларыса-геніюш-зіма]]