~~META:
title = Ларыса Геніюш — Аблокі
&keywords = Ларыса, Геніюш, аблокі
&abstract = Чытаць верш Ларысы Геніюш "Аблокі"
&iftrue = nan
~~

====== Ларыса Геніюш — Аблокі ======
Абуджаецца родны край,\\
гладзяць косы вятры пералётныя.\\
Бохан хлеба, нібы каравай,\\
у ручнік матуля загортвае.\\
\\
А птушыная скрозь мітусня!\\
Завушніцы на голлі бярозаў.\\
Урываецца ў смех вясна\\
з белых дрэў, зарунелых барознаў.\\
\\
Так лагодна ў вільготных палёх\\
вецер гладзіць русыя косы.\\
Гнуцца травы пад пальцамі ног,\\
шчэ з вясны бялюсенькіх, босых.\\
\\
Аблачыны-гускі плывуць,\\
ўзвейна-лёгкія, з белага пуху.\\
Так шчымліва узняць галаву –\\
адгалоскі далёкія слухаць.

 


===== Падобныя старонкі =====
  * [[творы/ларыса-геніюш/ларыса-геніюш-крывёй-напоўніліся-поймы-р]]
  * [[творы/ларыса-геніюш/ларыса-геніюш-вясковы-дом]]
  * [[творы/ларыса-геніюш/ларыса-геніюш-зіма-мароз-кусаецца]]
  * [[творы/ларыса-геніюш/творчасць-ларысы-геніюш]]
  * [[творы/ларыса-геніюш/ларыса-геніюш-зіма]]