~~META:
title = Кастусь Жук — Урок
&keywords = ведаў, пяць, плюс, мова, дзіцятка, шэсць, крок, вучы
&abstract = Чытаць верш Кастуся Жука "Урок"
&iftrue = nan
~~

====== Кастусь Жук — Урок ======
Кожны ўрок – да ведаў крок.\\
Ты вучы, вучы, дзіцятка,\\
Скуль бярэцца куранятка,\\
Скуль жыцця ідзе выток.\\
\\
ДВА плюс ДВА – ЧАТЫРЫ роўна\\
Гэта вывучы тактоўна.\\
ТРЫ плюс СЕМ – канечне ж, ДЗЕСЯЦЬ,\\
А не ВОСЕМ і не ДЗЕВЯЦЬ.\\
\\
Веданне – да ведаў поступ.\\
Ты адчуй, як гэта проста –\\
Навучыцца памнажаць\\
ПЯЦЬ на ШЭСЦЬ, ці ШЭСЦЬ на ПЯЦЬ.\\
\\
Паўтарай жа, як замову:\\
МО-ВА – ДУМ ПЕР-ША-АС-НО-ВА.\\
\\
Без яе табе – ніколі\\
Не апець зямлі акрасу,\\
Не асіліць веды ў школе,\\
Не адрозніць КВАС ад КЛАСа.\\
\\
Прад табой – старонкі кніг\\
З мілым, любым, родным словам,\\
Там бруіцца наша мова –\\
Мова прадзедаў тваіх.\\
\\
Кніга ж – мудрасці глыток,\\
Палюбі яе спачатку,\\
I засвоіш ты, дзіцятка,\\
Што яна – да ведаў крок.

 


===== Падобныя старонкі =====
  * [[творы/васіль-жуковіч/васіль-жуковіч-першая-настаўніца]]
  * [[ibdc.ped>дарога-ў-школу]]
  * [[творы/мікола-чарняўскі/мікола-чарняўскі-пайшлі-ад-нас-канікулы]]
  * [[ibdc.ped>вясковы-асветнік]]
  * [[творы/авяр-ян-дзеружынскі/авяр-ян-дзеружынскі-хто-вас-у-школу-сабі]]