~~META:
title = Кастусь Жук — Скрыпка
&keywords = выпешчваў, зыкі, дых, перахватвала, граў, марціна
&abstract = Верш Кастуся Жука "Скрыпка"
&iftrue = nan
~~

====== Кастусь Жук — Скрыпка ======
Не слухаў скрыпкі я даўно.\\
Той, на якой адзін музыка\\
выпешчваў гэтакія зыкі –\\
Дых перахватвала ажно.\\
\\
Няма музыкі ўжо на свеце,\\
Ды выраслі музыкі-дзеці,\\
I, чутка ёсць, малодшы сын\\
Умее так, як граў Марцін.\\
\\
Ото і граў ён! Божа мой...\\
Здавалася:

гусей чароды

Плылі ў палоне асалоды\\
І пошум крыл – над галавой.\\
\\
Стаіш, не ведаючы, што\\
Цябе трымае, не пускае,\\
А песня доўгая такая –\\
Са струн то весялосць, то стогн...\\
\\
I не сказаць, што пальцаў двух\\
Не стала ад вайны ў Марціна:\\
Спявае скрыпка,

як даліна,

Дзе ў травы свішча вецер-зух.\\
\\
Няма Марціна ўжо даўно...\\
А я ўсё помню,

як музыка

Выпешчваў гэтакія зыкі –\\
Дых перахватвала ажно.

 


===== Падобныя старонкі =====
  * [[ibdc.ped>скрыпачка]]
  * [[ibdc.ped>скрыпка]]
  * [[ibdc.ped>скрыпачка-3641]]
  * [[ibdc.ped>абуджэнне]]
  * [[ibdc.ped>загадка-скрыпкі]]