~~META:
title = Кастусь Жук — Свет стракаціцца і пярэсціцца...
&keywords = свет
&abstract = Чытаць верш Кастуся Жука "Свет стракаціцца і пярэсціцца..."
&iftrue = nan
~~

====== Кастусь Жук — Свет стракаціцца і пярэсціцца... ======
Свет стракаціцца і пярэсціцца.\\
Вецер мне пазычае крыл.\\
Эх! Хутчэй гаям напярэсцігі –\\
Не заманіць тады і Крым...\\
\\
Беларускія, прынямонскія,\\
Светлалістыя паясы!\\
Даражэй вы за ўсе прыморскія,\\
Аблагоджаныя лясы.\\
\\
Між бяроз захмялею здзіўлена.\\
Абрашуся у верасах.\\
Старана ты мая радзінная,\\
У птушыных уся галасах!\\
\\
Ля Тур’і ці ля ціхай Ясельды –\\
Салаўёў не злічыць вакол.\\
З пераспелага сонца – ягады\\
На зялёны апалі дол...\\
\\
Верасовачка!\\
Чабаровачка!\\
Дарагая зямля навек!\\
Ты для сэрца заўжды – гаёвачка,\\
Ва ўспамінах маіх – жытнёвачка,\\
Ад самоты ж – радовішча лек.\\
\\
У стасунках з табой – карані мае.\\
Сок крыніц піць – за гонар мне.\\
Чарамшынай світай, радзімая,\\
Дней!

\\
Крыніца: Бацька наш Нёман: Вершы, апавяданні, нарысы, эсэ: Для ст. шк. узросту / Уклад. Я. І. Хвалей. – Мн.: Юнацтва, 2001, – 510 с.

 


===== Падобныя старонкі =====
  * [[творы/алесь-разанаў/алесь-разанаў-радзіма]]
  * [[ibdc.ped>скарбы-нашай-радзімы]]
  * [[творы/алесь-бачыла/алесь-бачыла-радзіма-мая-дарагая]]
  * [[ibdc.ped>ганарымся-бацькаўшчынай]]
  * [[творы/янка-купала/тэма-народнага-жыцця-і-любоў-да-радзімы-]]