~~META:
title = Кастусь Жук — Рака
&keywords = Рака
&abstract = Чытаць верш Кастуся Жука "Рака"
&iftrue = nan
~~

====== Кастусь Жук — Рака ======
Я цябе, празрыстая, не выдумаў, –\\
Анямела рад: не ўпершыню\\
За пясчанай крутабокай выдмаю –\\
Гул грудзей хістае цішыню!\\
\\
Хто там прагугнеў,

што неба хмарыцца

І гудзе ад ветру галава?!\\
Думаецца хораша і марыцца\\
Ля твайго ўтравелага ручва.\\
\\
Шапаці аерам, балацянкаю,\\
Напінайся ў плыні цецівой.\\
Я з табой, гарэзаю-бяглянкаю,\\
Загублю і сум,

і неспакой.

\\
Біся ў берагі, вірыся ў завіху,\\
Звесялела мкні свой вадаграй.\\
Аднаго прашу:

ў нягоду-засуху

Не пыні жыцця – не высыхай!

\\
Крыніца: Бацька наш Нёман: Вершы, апавяданні, нарысы, эсэ: Для ст. шк. узросту / Уклад. Я. І. Хвалей. – Мн.: Юнацтва, 2001, – 510 с.

 


===== Падобныя старонкі =====
  * [[ibdc.ped>рака-бярэзіна]]
  * [[ibdc.ped>паром-на-рацэ]]
  * [[творы/максім-танк/максім-танк-над-ракой]]
  * [[ibdc.ped>круты-бераг-ракі]]
  * [[ibdc.ped>дзвіна-пайшла]]