~~META:
title = Кастусь Жук — Зямныя лекары
&keywords = стала, болей
&abstract = Чытаць верш Кастуся Жука "Зямныя лекары"
&iftrue = nan
~~

====== Кастусь Жук — Зямныя лекары ======
На Зямлі\\
Багата спраў\\
(Кожны ведае вучоны!)\\
У падлескаў і дубраў,\\
У бароў вечназялёных.\\
\\
Лекары яны для нас,\\
Для зямных абшараў, нетраў:\\
Ачышчаюць пра запас\\
Глебу, бруднае паветра.\\
\\
У лясоў такі закон:\\
Памагаць людскому роду,\\
Каб гусцеў, чысцеў азон,\\
Стала болей кіслароду.\\
\\
Мы ж –\\
Не ўсе да іх з дабром:\\
Высякаем іх і нішчым;\\
Стала ў птушак\\
Пад крылом\\
Болей лядаў, папялішчаў.\\
\\
Хто ж пасадзіць новы лес\\
Ці хаця б адну лясіну?\\
Цяжка дыхае прагрэс\\
Нам у спіну, лесу ў спіну…

 


===== Падобныя старонкі =====
  * [[творы/алесь-жук/алесь-жук-песня]]
  * [[творы/алесь-жук/алесь-жук-стары-бабёр]]
  * [[творы/алесь-жук/алесь-жук-праклятая-любоў]]
  * [[творы/алесь-жук/алесь-жук-мужчыны]]
  * [[творы/алесь-жук/алесь-жук-паляванне-на-апошняга-жураўля]]