~~META:
title = Карусь Каганец — Старажовы курган
&keywords = Каганец, старажовы, курган
&abstract = Чытаць верш Каруся Каганца "Старажовы курган"
&iftrue = nan
~~

====== Карусь Каганец — Старажовы курган ======
Ой, у полі дымна да курна,\\
За туманам свету не відна!\\
Цёмная ночка наступае.\\
Едзе казак ды ўздыхае,\\
Сон галоўку размарае,\\
Конь к травіцы прыпадае.\\
— Пушчу каня на даліну,\\
Сам прылягу па часіну.\\
Ой, шчаслівая гадзіначка,\\
Прыйшла к яму дзяўчыначка!\\
Ой, вырвала травічаньку\\
I выцяла па лічаньку:\\
— Уставай, казача, годзе спаць!\\
Сюдэма ідуць туркі ваяваць.\\
Каня возьмуць — другі будзе,\\
Цябе заб'юць — мне жаль будзе.\\
— Мусіць, дзеўча, мя кахаеш,\\
Што ад смерці выбаўляеш?\\
— Каб я цябе не любіла,\\
То я б цябе не будзіла,\\
Я ця, казак, верна кахаю,\\
З табою з тугі ўміраю!\\
— Гэй, ты, дзеўча маладзенькая,\\
Маладзенькая ды дурненькая!\\
Будзеш хадзіці дый блудзіці,\\
Будзеш за радзінай тужыці,\\
Будзеш хадзіці дый наракаці,\\
Сваю долю дый праклінаці.\\
— Я за табою на край-свет пайду,\\
Толькі вазьмі мяне маладу!

 


===== Падобныя старонкі =====
  * [[творы/карусь-каганец/карусь-каганец-парада]]
  * [[постаці/карусь-каганец]]
  * [[творы/карусь-каганец/карусь-каганец-скрыпач-і-ваўкі]]
  * [[творы/карусь-каганец/карусь-каганец-модны-шляхцюк]]
  * [[творы/карусь-каганец/карусь-каганец-прылукі]]