Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Кандрат Крапіва — Мурашка і Жук
&keywords = мурашка, слава, гарбе, працы, жуком, жыць
&abstract = Чытаць байку Кандрата Крапівы "Мурашка і Жук"
&iftrue = nan
~~

====== Кандрат Крапіва — Мурашка і Жук ======
Раз летнім днём цераз дарогу\\
Мурашка пруцік валакла\\
Ды прыпынілася была,\\
Чакаючы сяброўку на падмогу.

I гэтым часам

Пачуўся нейкі гук,\\
Як бы спяваў хто басам,\\
А з гукам сеў паблізу Жук.\\
Глядзіць Мурашка палахліва:

Што за дзіва!

Такі бліскучы ягамосць –\\
Наставіў вусы ці то рогі,\\
Ідзе паважна ўдоўж дарогі,\\
Пагардліва наўкола пазірае,\\
Адзенне тое лакам ззяе –

Ці не замежны госць?

– Ну што, малеча, цяжка\\
– Цягнуць такое на гарбе? –\\
– Прамовіў Жук, заўважыўшы Мурашку.\\
– А мы працуем на сябе.\\
– Ды чуў... Пра гэта ўсюды трубяць.\\
– Павага, слава, чэсць!\\
– Хто не працуе, той не есць.\\
– Давай, давай! Работа дурняў любіць.\\
– Без працы хіба можна жыць?\\
– Працуй. А мне на ліха праца?\\
– I без яе як мае быць\\
Магу я смачна есці, піць,\\
Па модзе апранацца,\\
А слава... Што мне слава!

– Ці-ка-ва.

– Калі цікава, дык хадзем,

Я пакажу ахвотна,

Дзе я жыву і што я ем,\\
Якім я водарам дышу,\\
Як час праводжу бесклапотна\\
I на гарбе цяжару не нашу.\\
I ты жыццё мо перайначыш,

Як гэта ўсё пабачыш.\\
Да мэты прасцяком

Паўзе Мурашка за Жуком:\\
Хоць вокам глянуць на той рай –

На Жукавы палацы.

Мо праўда ёсць на свеце край,\\
Дзе можна жыць без працы.\\
Жук важна крочыць перадом,

За ім Мурашка сціпла.

Жук ганарліва: – Вось мой дом!

I тут... Мурашка ўліпла,

\\
Такі ж не мелюць языком,\\
А праўду кажуць людзі:\\
Як папаўзеш ты за Жуком,\\
Дык апынешся ў брудзе.

\\
1964

 


===== Падобныя старонкі =====
  * [[ibdc.ped>мурашкі]]
  * [[постаці/кандрат-крапіва]]
  * [[творы/кандрат-крапіва/ідэйная-накіраванасць-камедыі-кандрата-к]]
  * [[творы/кандрат-крапіва/кандрат-крапіва-хто-смяецца-апошнім-анал]]
  * [[творы/кандрат-крапіва/кандрат-крапіва-махальнік-іваноў]]