~~META:
title = Кандрат Крапіва — Зубы
&keywords = зубы
&abstract = Чытаць байку Кандрата Крапівы "Зубы"
&iftrue = nan
~~

====== Кандрат Крапіва — Зубы ======
У Мамы зубы забалелі.

(Каб вы такой прыемнасці не мелі.)

За сківіцу ўхапіўшыся рукою,\\
Не знойдзе месца сабе Маці

Ні на дварэ, ні ў хаце

I енчыць, ходзячы з пакою да пакою.

Шчака ўзнялася, як гара,

Аж проста зайздрасць бярэ Волю.

I вось, скрывіўшыся, надзьмуўшы губкі,

Яна таксама енчыць «з болю»:

— Ой, мама, боля зубкі!\\
(А Волі — года паўтара.)

\\
Калі плаксівага я стрэну юнака-паэта,

Дык мне заўсёды сцэнка гэта\\
На памяць просіцца сама —\\
Паэт нагадвае мне Волю:\\
Ён стогне ад зубнога болю,

А зубак то ў яго няма.

Эх, дзівакі! Хай той ад болю вые,

Ў каго ёсць карані гнілыя.

\\
1927

 


===== Падобныя старонкі =====
  * [[творы/кандрат-крапіва/кандрат-крапіва-хто-смяецца-апошнім-анал]]
  * [[постаці/кандрат-крапіва]]
  * [[творы/кандрат-крапіва/ідэйная-накіраванасць-камедыі-кандрата-к]]
  * [[творы/кандрат-крапіва/кандрат-крапіва-махальнік-іваноў]]
  * [[творы/кандрат-крапіва/кандрат-крапіва-байкапісец-ідэйная-накір]]