~~META:
title = Кандрат Крапіва — Едзе крытык малады
&keywords = крытык
&abstract = Чытаць байку Кандрата Крапівы "Едзе крытык малады"
&iftrue = nan
~~

====== Кандрат Крапіва — Едзе крытык малады ======
//Да 23 красавіка 1932 г.//\\
\\
На замораных гнядых,\\
Сам непадкаваны,\\
Едзе крытык малады\\
З пугай дратаванай.\\
\\
Воз нялёгкі па гразі\\
Па калодкі грузне:\\
– Гэй, папутнік, не бузі!\\
Шавялі, саюзнік!\\
\\
Вось дастану па вушах!\\
Гэй, шамкамі бразгай!\\
Выпаўзай па біты шлях\\
З каляіны гразкай!\\
\\
Ходзіць пуга па хвасце:\\
– Не бал-лу-уй, папу-утнік!\\
На пятнаццатай вярсце\\
Не сцярпеў пакутнік:\\
\\
– Крытык! Родненькі! Даруй\\
Мне з маёю музай!\\
Кіраваць-то ты кіруй,\\
Ды не вельмі тузай.

1932 г.

 


===== Падобныя старонкі =====
  * [[творы/кандрат-крапіва/кандрат-крапіва-байкапісец-ідэйная-накір]]
  * [[творы/кандрат-крапіва/кандрат-крапіва-махальнік-іваноў]]
  * [[постаці/кандрат-крапіва]]
  * [[творы/кандрат-крапіва/ідэйная-накіраванасць-камедыі-кандрата-к]]
  * [[творы/кандрат-крапіва/кандрат-крапіва-хто-смяецца-апошнім-анал]]