~~META:
title = Кандрат Крапіва — Асёл Ісуса Хрыста
&keywords = аслу, сумна, думаў, асёл, ісус, хрыстос
&abstract = Чытаць байку Кандрата Крапівы "Асёл Ісуса Хрыста"
&iftrue = nan
~~

====== Кандрат Крапіва — Асёл Ісуса Хрыста ======
Калі ўязджаў Ісус Хрыстос\\
У Іерусалім,\\
Асёл яго на спіне вёз,\\
Натоўп ішоў за ім.\\
Крычаў «асанна» у хвалу\\
Збавіцелю свайму,\\
I ў галаву прыйшло Аслу,\\
Што гэта ўсё – яму.\\
«I шлях, усыпаны лісцём, –\\
Ён думаў, – гэта мне».\\
Ступаў, здаволены жыццём,\\
Па мяккім дыване.\\
Пакуль на ім Ісус Хрыстос\\
Па свеце вандраваў,\\
Заўсёды быў Аслу авёс\\
I свежая трава.\\
Калі ж Айцец сваё дзіця\\
Узяў «на небеса»,\\
Не стала больш Аслу жыцця –\\
Ні славы, ні аўса.\\
Ў пашане быў і на віду,\\
А вось вам эпілог:\\
Асёл вазіў цяпер ваду,\\
Жаваў чартапалох.\\
I сумна ён махаў хвастом,\\
I думаў сумна ў такт:\\
«Калі я працаваў з Хрыстом,\\
Усё было не так».\\
\\
\\
1966

 


===== Падобныя старонкі =====
  * [[постаці/кандрат-крапіва]]
  * [[творы/кандрат-крапіва/ідэйная-накіраванасць-камедыі-кандрата-к]]
  * [[творы/кандрат-крапіва/кандрат-крапіва-хто-смяецца-апошнім-анал]]
  * [[творы/кандрат-крапіва/кандрат-крапіва-махальнік-іваноў]]
  * [[творы/кандрат-крапіва/кандрат-крапіва-байкапісец-ідэйная-накір]]