~~META:
title = Казімір Камейша — Я і цень
&keywords = цень, крок, дзень, забягае, ідзе, ценю, адступае
&abstract = Чытаць верш Казіміра Камейшы "Я і цень"
&iftrue = nan
~~

====== Казімір Камейша — Я і цень ======
Сонца узышло.\\
Пагодзіць.\\
Значыць, будзе цёплы дзень.\\
З хаты раніцай выходзім\\
Я і цень.\\
\\
Аднаму пабыць ахвота,\\
Луг і рэчку паглядзець.\\
Я пакіну цень за плотам,\\
Сам пайшоў,\\
I цень ідзе.\\
\\
Ні на крок не адступае,\\
Дый наперад забягае.\\
\\
Дзень святлее,\\
Цень гусцее.\\
Многа за сялом сцяжын.\\
Збегчы я рашыў ад ценю.\\
Я бягу,\\
I ён бяжыць.\\
\\
Ні на крок не адступае,\\
Дый наперад забягае.\\
Як ад ценю адчапіцца?\\
Бачу, цень не адчапіць.\\
Ну а што, калі спыніцца?\\
Я стаю,\\
I цень стаіць.\\
\\
Не баіцца крыку, груку,\\
Чорны ўвесь, нібы чарэнь.\\
Я ўзяў кіёк у рукі –\\
Цень таксама кій бярэ.\\
\\
Рух мой кожны паўтарае\\
I ступае крок у крок.\\
Быў такі вялікі ўранні,\\
Стаў маленькі, як клубок.\\
\\
Не, яму не скажаш "годзе",\\
Як спарыш, са мной ідзе.\\
Так вось мы ўвесь дзень і ходзім\\
Я і цень.

 


===== Падобныя старонкі =====
  * [[ibdc.ped>званы-хатыні]]
  * [[ibdc.ped>тураў-3838]]
  * [[творы/янка-купала/янка-купала-асёл-і-яго-цень]]
  * [[творы/казімір-камейша/казімір-камейша-ганчары]]
  * [[творы/казімір-камейша/казімір-камейша-першы-снег]]