~~META:
title = Казімір Камейша — Цішыня
&keywords = ціха
&abstract = Чытаць верш Казіміра Камейшы "Цішыня"
&iftrue = nan
~~

====== Казімір Камейша — Цішыня ======
Я іду ў пуховых тапках,\\
На каціных мяккіх лапках.\\
\\
Заглядаю пад павеці,\\
Лашчу коласу вусы.\\
Я ў сукеначцы з паветра,\\
Я ў касыначцы з расы.\\
Ціха, гром,\\
Гурчаць не трэба!\\
Ціха, мушка, не звіні!\\
Дай паслухаць, як у дрэва\\
Прарастаюць карані,\\
\\
Як вадзіца дрэмле ў кране,\\
Як гусцее ў сотах мёд,\\
Як гарбуз вяроўку цягне\\
У бульбоўнік цераз плот.\\
\\
Ціха сонца дагарае\\
I хаваецца за гаем.\\
Не глядзіце ўдалеч сумна.\\
Я тут блізка, за сцяной.\\
Я іду,\\
Я сон нясу вам.\\
Я завуся цішынёй.

 


===== Падобныя старонкі =====
  * [[ibdc.ped>цішыня]]
  * [[творы/анатоль-вярцінскі/анатоль-вярцінскі-тры-цішыні]]
  * [[ibdc.ped>чароўная-асенняя-пара]]
  * [[ibdc.ped>тураў-3838]]
  * [[ibdc.ped>званы-хатыні]]