~~META:
title = Казімір Камейша — Суніцы
&keywords = Суніцы
&abstract = Верш Казіміра Камейшы "Суніцы"
&iftrue = nan
~~

====== Казімір Камейша — Суніцы ======
Пайшоў я сцяжынкай,\\
І тут нечакана\\
Яна прывяла\\
Да чырвонай паляны.\\
\\
Агеньчыкаў столькі\\
Не бачыў ніколі.\\
Напэўна, тут хтосьці\\
Рассыпаў вуголле.\\
Пад кожным лісточкам\\
Па вугалёчку.\\
\\
І тут адгадаў я:\\
Паспелі суніцы!\\
Паляна у чырвані, уся\\
Чырваніцца.\\
\\
Ды як жа суніцы?\\
Ну дзе тут суніцы?\\
Вы гляньце на колер:\\
Яны ж – чырваніцы!

 


===== Падобныя старонкі =====
  * [[ibdc.ped>суніцы]]
  * [[ibdc.ped>суніцы-паспелі]]
  * [[творы/сяргей-грахоўскі/сяргей-грахоўскі-сунічкі]]
  * [[творы/аляксей-якімовіч/аляксей-якімовіч-падзяка]]
  * [[творы/уладзімір-ягоўдзік/уладзімір-ягоўдзік-суніцы]]