~~META:
title = Казімір Камейша — Сакавік
&keywords = сакавік, свята
&abstract = Чытаць верш Казіміра Камейшы "Сакавік"
&iftrue = nan
~~

====== Казімір Камейша — Сакавік ======
Сну зімовага даволі!\\
Свята ў сонца, паглядзі!\\
Моцна спалі лес і поле –\\
Сакавік іх разбудзіў.\\
\\
А пасля падаўся полем\\
Да раскутае ракі,\\
Начапіў лазе на голле\\
Залатыя каташкі.\\
\\
Капяжовы перазовы\\
Чуеш зблізку і здалёк.\\
Днём у следзе палазовым\\
Заіскрыўся ручаёк.\\
\\
Распагоджаны аблокі,\\
Улагоджаная шыр.\\
Сакавік кляновым сокам\\
Заскакаў у гладышы.\\
\\
Веснавых прыкмет багата.\\
Сакавік здзіўлёны сам.\\
А яшчэ прынёс ён свята,\\
Дарагое свята мам.

 


===== Падобныя старонкі =====
  * [[творы/мікола-чарняўскі/мікола-чарняўскі-ёлка]]
  * [[творы/васіль-жуковіч/васіль-жуковіч-калядная-вячэра]]
  * [[творы/васіль-вітка/васіль-вітка-свята-настаўніцы]]
  * [[творы/васіль-жуковіч/васіль-жуковіч-цудоўныя-святы]]
  * [[творы/юрась-свірка/юрась-свірка-свята]]