~~META:
title = Казімір Камейша — Не спяшайся, лета!
&keywords = чуеш, лета, ўцякай, сабраў
&abstract = Верш Казіміра Камейшы "Не спяшайся, лета!"
&iftrue = nan
~~

====== Казімір Камейша — Не спяшайся, лета! ======
Чуеш, лета, не ўцякай,\\
не круці так шпарка колы.\\
Я не ўсіх сяброў спаткаў,\\
ранец не сабраў у школу.\\
\\
У рацэ сваёй як след\\
я яшчэ не накупаўся.\\
Хуткі мой веласіпед\\
яшчэ толькі разагнаўся.\\
\\
Не сабраў усіх грыбоў\\
у бары, дзе іх хаваеш.\\
Толькі стрэліся з табой,\\
ты ж адразу і ўцякаеш…\\
\\
Чуеш, лета, пачакай,\\
чуеш, лета, не ўцякай!

 


===== Падобныя старонкі =====
  * [[ibdc.ped>летам-у-бары]]
  * [[ibdc.ped>шчаслівая-ўсмешка-лета]]
  * [[творы/сяргей-грахоўскі/сяргей-грахоўскі-лета]]
  * [[творы/максім-багдановіч/максім-багдановіч-плакала-лета-зямлю-пак]]
  * [[творы/якуб-колас/якуб-колас-лета]]