~~META:
title = Казімір Камейша — Метрабудаўцы
&keywords = падземны, расце, горад
&abstract = Чытаць верш Казіміра Камейшы "Метрабудаўцы"
&iftrue = nan
~~

====== Казімір Камейша — Метрабудаўцы ======
Ён расце, падземны горад.\\
Я даўно яго прысніў.\\
Вось і станцыі-падземкі\\
Апрануліся ў граніт.\\
\\
Чуеш, з грукатам сталёвым\\
Пад зямлёй імчыць вагон,\\
А за ім па рэйках рэха\\
Паняслося наўздагон.\\
\\
Толькі ноччу на хвіліну\\
Колы дух перавядуць.\\
I другім напрамкам, новым,\\
Тут праходчыкі ідуць.\\
\\
Дастаюць – за пядзяй пядзю –\\
Скамянелыя пласты,\\
Рассякаючы далёка\\
Змрок зляжалы і густы.\\
\\
Новы дзень блакітным вокам\\
Углядаецца здаля.\\
Ён расце, падземны горад,\\
Ён жыве, падземны шлях!

 


===== Падобныя старонкі =====
  * [[ibdc.ped>падземны-горад]]
  * [[творы/рыгор-барадулін/рыгор-барадулін-робяць-гораду-нутро]]
  * [[ibdc.ped>званы-хатыні]]
  * [[ibdc.ped>мінскі-метрапалітэн]]
  * [[творы/сяргей-грахоўскі/сяргей-грахоўскі-у-метро]]