~~META:
title = Казімір Камейша — Зімовы верш
&keywords = піша, белы, чатыры, верш, пушчу, паляне
&abstract = Чытаць "Зімовы верш" Казіміра Камейшы
&iftrue = nan
~~

====== Казімір Камейша — Зімовы верш ======
На паляне дзіўны след блукае.\\
Глянеш – і вачэй не адвядзеш.\\
Піша заяц белымі радкамі\\
Свой зімовы,\\
Свой вясёлы верш.\\
\\
Лапкаю і гэтаю, і тою\\
Адбівае белы свой слядок.\\
Кіпцікамі, мяккаю пятою\\
Падганяе літары ў радок.\\
\\
Піша і на пушчу косіць вочы,\\
Белым захліпаецца святлом.\\
Піша, як яму сягоння ноччу\\
На паляне весела было.\\
\\
Снежны аркуш, белы ён і гладкі,\\
Сцелецца праз пушчу напрасткі.\\
Скочыць толькі – і чатыры лапкі\\
У чатыры вяжуцца радкі.\\
\\
Ёсць там згадкі нават пра завею,\\
Пра сняжок з дажджом уперамеж.\\
Хто сляды зімой чытаць умее,\\
Той і прачытае гэты верш.

 


===== Падобныя старонкі =====
  * [[творы/казімір-камейша/казімір-камейша-камень-ля-вёскі-камень]]
  * [[ibdc.ped>тураў-3838]]
  * [[ibdc.ped>званы-хатыні]]
  * [[творы/казімір-камейша/казімір-камейша-ганчары]]
  * [[творы/казімір-камейша/казімір-камейша-першы-снег]]