~~META:
title = Казімір Камейша — Гліняны пеўнік
&keywords = пеўнік
&abstract = Верш Казіміра Камейшы "Гліняны пеўнік"
&iftrue = nan
~~

====== Казімір Камейша — Гліняны пеўнік ======
Глінянага пеўніка\\
Мне падарылі.\\
Гліняныя ў пеўніка\\
Ножкі і крылы.\\
\\
Хвост пер’ем гарыць,\\
І грабеньчык іскрыцца,\\
І свецяцца вочы,\\
Нібыта суніцы.\\
\\
Ён самы прыгожы\\
З глінянай сямейкі.\\
Ну, пеўнік як пеўнік,\\
Ды дзіўны ён нейкі.\\
\\
Пяюць галасістыя\\
Пеўні ў дварышчы.\\
А мой не спявае.\\
А мой толькі свішча.

 


===== Падобныя старонкі =====
  * [[творы/алесь-бадак/алесь-бадак-белы-пеўнік]]
  * [[творы/рыгор-барадулін/рыгор-барадулін-пеўнік-весялун]]
  * [[творы/станіслаў-шушкевіч/станіслаў-шушкевіч-хрыпаты-пеўнік]]
  * [[творы/казімір-камейша/казімір-камейша-адкуль-прыйшоў-гліняны-п]]
  * [[творы/анатоль-грачанікаў/анатоль-грачанікаў-задача]]