Што за з’ява? Што за дзіва?
Лес і поле, луг і ніва
Зазвінелі ціхім тонам,
Ні то песняй, ні то звонам.

Ціхі голас льецца
Ўверх па горах, ўніз па рэчцы…
Льецца песня – ідуць пары…
Што за дзіва?.. Хіба чары?

Йдзе валошка з шыпшынаю,
Там бяроза з калінаю,
Далей, узяўшыся за лісточкі,
Йдуць стакроткі, як вяночкі…

А за імі брат-сястрычка
І зязюлька невялічка,
Мак чырвоны, драсён белы
І званочкаў букет цэлы.

Йдуць дарогай, йдуць мяжою,
Ўсе спяваюць грамадою;
Усе пахнуць, усе прыбраны
Як у казцы зачараванай.

Аж сонейка ў небе стала.
– А куды ж вы? – запытала,–
На вяселле ці хрысціны?
– Не, на Толі імяніны…

• зоська-верас/зоська-верас-чароўны-край
• уладзімір-дубоўка/уладзімір-дубоўка-верас
• зоська-верас
• зоська-верас/зоська-верас-скуль-узяліся-ў-нас-бярозы-
• зоська-верас/зоська-верас-прыйшла-вясна