~~META:
title = Зоська Верас — На імяніны
&keywords = йдуць, дзіва, льецца
&abstract = Верш Зоські Верас "На імяніны"
&iftrue = nan
~~

====== Зоська Верас — На імяніны ======
Што за з’ява? Што за дзіва?\\
Лес і поле, луг і ніва\\
Зазвінелі ціхім тонам,\\
Ні то песняй, ні то звонам.\\
\\
Ціхі голас льецца\\
Ўверх па горах, ўніз па рэчцы...\\
Льецца песня – ідуць пары...\\
Што за дзіва?.. Хіба чары?\\
\\
Йдзе валошка з шыпшынаю,\\
Там бяроза з калінаю,\\
Далей, узяўшыся за лісточкі,\\
Йдуць стакроткі, як вяночкі...\\
\\
А за імі брат-сястрычка\\
І зязюлька невялічка,\\
Мак чырвоны, драсён белы\\
І званочкаў букет цэлы.\\
\\
Йдуць дарогай, йдуць мяжою,\\
Ўсе спяваюць грамадою;\\
Усе пахнуць, усе прыбраны\\
Як у казцы зачараванай.\\
\\
Аж сонейка ў небе стала.\\
– А куды ж вы? – запытала,–\\
На вяселле ці хрысціны?\\
– Не, на Толі імяніны...

 


===== Падобныя старонкі =====
  * [[творы/зоська-верас/зоська-верас-чароўны-край]]
  * [[творы/уладзімір-дубоўка/уладзімір-дубоўка-верас]]
  * [[постаці/зоська-верас]]
  * [[творы/зоська-верас/зоська-верас-скуль-узяліся-ў-нас-бярозы-]]
  * [[творы/зоська-верас/зоська-верас-прыйшла-вясна]]