~~META:
title = Змітрок Бядуля — Юлька і Люцік
&keywords = грэйся, коціцца, цюцік, цюціка, пішчыць, блішчыць, клубок, юлька
&abstract = Чытаць верш Змітрака Бядулі "Юлька і Люцік"
&iftrue = nan
~~

====== Змітрок Бядуля — Юлька і Люцік ======
Пайшла Юлька на лужок,\\
Бачыць – коціцца клубок.\\
Коціцца дарожкаю\\
І трапеча ножкамі.\\
Вой, клубок пішчыць, пішчыць,\\
Вочкамі блішчыць, блішчыць –\\
Цюцік малы коціцца,\\
Мабыць, гамаць хочацца.\\
Юлька цюціка ўзяла\\
І дахаты прынясла.\\
Стаў ён вельмі жвавенькі,\\
Бравенькі, рухавенькі.\\
Бо паіла малачком,\\
Выцірала фартушком.\\
Як жа зваць ёй цюціка?\\
І назвала Люцікам.\\
Грэйся, грэйся, цюцік мой,\\
Грэйся, грэйся, Люцік мой.\\
Вось табе падушачка,\\
Ляж ты, мая птушачка.

 


===== Падобныя старонкі =====
  * [[творы/змітрок-бядуля/змітрок-бядуля-велікодныя-яйкі]]
  * [[творы/змітрок-бядуля/змітрок-бядуля-нібы-рупны-араты]]
  * [[творы/змітрок-бядуля/змітрок-бядуля-на-каляды-к-сыну]]
  * [[творы/змітрок-бядуля/змітрок-бядуля-маці]]
  * [[постаці/змітрок-бядуля]]