~~META:
title = Змітрок Бядуля — Страцім-лебедзь. ГДЗ
&keywords = Бядуля, лебедзь, Багдановіч
&abstract = Адказы на пытанні да апавядання Змітрака Бядулі "Страцім-лебедзь"
&iftrue = nan
~~

====== Змітрок Бядуля — Страцім-лебедзь. ГДЗ ======
Апавяданне [[творы/змітрок-бядуля/змітрок-бядуля-страцім-лебедзь|«Страцім-лебедзь»]] расказвае аб тым, як марознаю зімою 1930 года [[постаці/змітрок-бядуля|Змітрок Бядуля]] і [[постаці/максім-багдановіч|Максім Багдановіч]] глядзелі на начныя зоркі і Максім з жартам расказваў пра дзяўчыну, якая збірала ў небе маліну і знарок рассыпала яе, Пасля Максім жартаваў з «паэтычных здольнасцей» бацькоў Бядулі, якія назвалі сваіх дачок у рыфму: Рэня і Геня.\\
Змітрок Бядуля шмат думаў пра Максіма, бо лічыў яго «жывой энцыклапедыяй разнастайных ведаў», чалавекам, які «...фарбуе вакольнае ў пяшчотныя казачныя колеры і напаўняе свет вобразамі народнай фантазіі. У Максімавых пушчах жывуць лесуны, у яго рэчках і азёрах купаюцца русалкі.\\
I лезуць у памяць [[слоўнік/эпітэт|эпітэты]] з яго паэзіі: возера − люстэрка альбо чаша віна. Зоркі − пацеркі, нябесная рунь, сняжынкі, кветкі. Маланка − агністы меч. Крыніца грукае серабром.\\
А вось і другі свет Багдановіча:\\
...Грозныя песні беларускага мужыка.\\
...Каменная сцяна між бедным і багатым.\\
...Разрытая магіла гаротніка.\\
...Межы драпежніцкіх уласнікаў.\\
Нідзе паэт не дагаворвае да канца. Небяспечна. Ды і сама мова беларуская − крамола. Яна забаронена на ўвесь час вайны.\\
...Адзінае лякарства для хворых грудзей паэта − родная зямля.\\
...Адзіная ўцеха − паэзія, мары аб шчаслівай будучыні народа.».\\
У гэты час Максім хварэў, кашаль не даваў яму спакою. Сястра Змітрака Бядулі паіла паэта малаком і гарбатай з малінавым варэннем.\\
Вечарамі сям'я слухала Максіма, які весяліў усіх казкамі, рознымі ўспамінамі, сваімі фантазіямі.\\
«I ён пачаў фантазіраваць аб тым, як мы − ён, я і мае сёстры − наладзім лялькавы тэатр і будзем вандраваць па Беларусі. Пры гэтым Максім маляваў такія камічныя карціны нашага жыцця і працы ў вандроўцы, што мы рагаталі да таго, што аж разбудзілі суседзяў за сцяною».\\
Змітрок і Максім працавалі ў адным кабінеце, але часцей там гаспадарыў Багдановіч, бо творчая праца яго пачыналася пасля дванаццаці ночы.\\
«Дактары забаранілі Максіму шмат гаварыць, позна сядзець, але ён звычайна гаварыў больш за ўсіх нас і менш за ўсіх спаў. Калі я лёг спаць, ён прысеў да мяне і пачаў гаварыць шэптам:\\
− Я сёння ўвесь дзень займаўся народнай творчасцю. У Пушкінскай бібліятэцы праглядаў Шэйна і Раманава. Тут я чытаў вашым сёстрам Афанасьева, слухаў, як яны спявалі мне народныя песні. Я задумаў твор на тэму біблейскага міфа. Гэту тэму навеяла мне вайна, гібель мільёнаў і мой уласны лёс».\\
Змітрок слухаў Максіма і вельмі хваляваўся пра яго здароўе.\\
«Я рашыў заўтра падняць трывогу ў камітэце: трэба зараз жа знайсці сродкі і паслаць Багдановіча ў Ялту. Я абуран, што ніхто яго не наведвае. Усе змірыліся з тым, што ён недаўгавечны, і як бы супакоіліся».\\
А тым часам Максім .шмат працаваў, чытаў творы іншых аўтараў. Бядуля часцяком назіраў за Максімам і за тым, як той працуе. Усякі раз Змітрака здзіўляла шчаслівая ўсмешка сябра, яго манер трымацца на людзях весела, бадзёра, бо не жадаў Максім, каб яго шкадавалі, не хацеў нікога палохаць сваёю хваробаю.

 


===== Падобныя старонкі =====
  * [[творы/змітрок-бядуля/змітрок-бядуля-на-каляды-к-сыну]]
  * [[творы/змітрок-бядуля/змітрок-бядуля-маці]]
  * [[творы/змітрок-бядуля/змітрок-бядуля-нібы-рупны-араты]]
  * [[постаці/змітрок-бядуля]]
  * [[творы/змітрок-бядуля/змітрок-бядуля-велікодныя-яйкі]]