~~META:
title = Змітрок Бядуля — Мой скарб
&keywords = скарб
&abstract = Чытаць верш Змітрака Бядулі "Мой скарб"
&iftrue = nan
~~

====== Змітрок Бядуля — Мой скарб ======
Мой скарб мацней жыцця і смерці,\\
Бяссмертны ён у смертным сэрцы.\\
\\
Мой скарб блішчыць – мой скарб багаты,\\
Даступны ўсім – ён не закляты.\\
\\
Мой скарб – ад зор, мой скарб – ад неба,\\
Мой скарб – ад гор, мой скарб – ад глебы.\\
\\
У глыбі вод, у шэптах бору,\\
У шоўку траў, у птушках хоры.\\
\\
У серабры вільготных росаў,\\
У харастве дзявочых косаў,\\
\\
У марах-снах, у тайных муках,\\
У гусляроў на струнных гуках.

 


===== Падобныя старонкі =====
  * [[творы/змітрок-бядуля/змітрок-бядуля-нібы-рупны-араты]]
  * [[творы/змітрок-бядуля/змітрок-бядуля-на-каляды-к-сыну]]
  * [[творы/змітрок-бядуля/змітрок-бядуля-маці]]
  * [[постаці/змітрок-бядуля]]
  * [[творы/змітрок-бядуля/змітрок-бядуля-велікодныя-яйкі]]