~~META:
title = Змітрок Бядуля — Зямля
&keywords = зямлі, зямля, чалавек, жыве, маці, мяняюцца
&abstract = Чытаць абразок Змітрака Бядулі "Зямля". Адказы на пытанні
&iftrue = nan
~~

====== Змітрок Бядуля — Зямля ======
Зямля...\\
Вялікі, бязмерны абшар зямлі адкрываецца воку майму.\\
Я падымаюся вышэй і вышэй на нейкіх крылах, з дзівам разглядаю велізарнае ўладарства зямлі...\\
Як у казцы, нясуцца перада мной шыры гэтай зямлі...\\
Як у казцы, нясуцца перада мной поры года: святая зялёная вясна, гарачае залатое лета, сытная багатая восень, бліскучая здаровая зіма...\\
I мяняюцца фарбы, і мяняюцца віды...\\
Усё жыве, усё рухаецца... шуміць...\\
Зямля! Маці наша! Чуецца заўсёды і ўсюды тваё цёплае, жыватворнае дыханне, каторае мёдам па жылах разліваецца...\\
Усе мы дзеці твае: і расліна, і жывёла, і чалавек...\\
Усіх ты нас родзіш, усе мы жывём на табе, усіх ты нас ізноў прымаеш...\\
I хто каранямі сваімі глыбей у зямлю стараецца ўлезці, у таго галава чуць не да самага сонейка даходзіць, у таго шчасце ракой-морам расшыраецца...\\
\\
\\
**Адказы на пытанні:**\\
\\
1. Аўтар апісвае зямлю з вялікім пачуццём любові, захаплення, замілавання, вельмі лірычная, паэтычна, узнёсла, прыгожа.\\
2. Зямля – маці наша, бо «Усе мы дзеці твае: і расліна, і жывёла, і чалавек... Усіх ты нас родзіш, усе мы жывём на табе, усіх ты нас ізноў прымаеш...». Аўтар падкрэслівае, што ўсё чалавечае жыццё непарыўна звязана з зямлёй. Не будзе зямлі, не будзе чалавека.\\
3. Пісьменнік характарызуе поры года наступнымі эпітэтамі: святая зялёная вясна, гарачае залатое лета, сытная багатая восень, бліскучая здаровая зіма.\\
4. Той чалавек, хто моцна стаіць на зямлі, хто паважае яе і шануе, хто не забывае сваіх продкаў, хто ашчадна карыстаецца яе дарамі, той, хто жыве ў гармоніі са светам і прыродай, той адчувае сапраўдную радасць жыцця, шчасце, сонечнае цяпло, сапраўдную еднасць з зямлёй.

 


===== Падобныя старонкі =====
  * [[творы/якуб-колас/новая-зямля-пытанні-да-раздзелаў-за-стал]]
  * [[творы/якуб-колас/новая-зямля-пытанні-да-раздзела-вечарамі]]
  * [[творы/якуб-колас/духоўнае-багацце-чалавека-ў-паэме-новая-]]
  * [[творы/якуб-колас/паэма-новая-зямля-мастацкая-энцыклапедыя]]
  * [[творы/якуб-колас/новая-зямля-пытанні-да-раздзела-падгляд-]]