~~META:
title = Змітрок Бядуля — Дудачка
&keywords = дудачка
&abstract = Чытаць верш для дзяцей "Дудачка" Змітрака Бядулі
&iftrue = nan
~~

====== Змітрок Бядуля — Дудачка ======
Баю, баю баечку,\\
Граю, граю граечку.\\
\\
Я пайшоў далінаю,\\
Вузкаю сцяжынаю.\\
\\
Там над самай рэчкаю,\\
Ёсць кусты з парэчкамі.\\
\\
Пад высокай кручаю –\\
Крапіва пякучая.\\
\\
Ёсць лазіна стройная,\\
Гладкая і роўная.\\
\\
Выразаў я дудачку,\\
Дудачку-пагудачку.\\
\\
Засвістаў я птушкаю,\\
Птушкаю-пяюшкаю.\\
\\
Заіграў я граечку,\\
Траля-траляляечку.\\
\\
Рэхі пакаціліся –\\
Жаўранкі здзівіліся.\\
\\
Камары зляцеліся –\\
Ім свістаць хацелася.\\
\\
Пчолкі пазбіраліся –\\
Ім свістаць жадалася.\\
\\
Г'ускі тпрывалюхалі,\\
Дудачку паслухалі.\\
\\
– Дай нам, дай нам дудачку,\\
Дудачку-пагудачку.\\
\\
– Дай нам, дай свісцёлачку\\
Пасвістаць пад ёлачкай.\\
\\
Граю, граю граечку,\\
Траля-траляляечку.

 


===== Падобныя старонкі =====
  * [[творы/віталь-вольскі/віталь-вольскі-цудоўная-дудка]]
  * [[ibdc.ped>дудка-беларуская]]
  * [[творы/змітрок-бядуля/змітрок-бядуля-на-каляды-к-сыну]]
  * [[творы/эдзі-агняцвет/эдзі-агняцвет-дудка]]
  * [[творы/францішак-багушэвіч/францішак-багушэвіч-мая-дудка]]