~~META:
title = Змітрок Бядуля — Дзень добры!
&keywords = зоркі, зара, зарніца
&abstract = Чытаць верш Змітрака Бядулі "Дзень добры!"
&iftrue = nan
~~

====== Змітрок Бядуля — Дзень добры! ======
Над сажалкай сіняй зара начавала,\\
Было там і зорак нямала.\\
\\
У сажалку зоркі праменні кідалі,\\
Свяціліся блізі і далі.\\
\\
I грала зара сваім крыллем агнёвым,\\
Адсвеццем на лісцях дубовых.\\
\\
– Няма нада мною, – сказала зарніца, –\\
Святлейшай на свеце сястрыцы.\\
\\
– Няма тут над намі, – сказалі і зоркі, –\\
Ярчэйшай палянкі, узгорка.\\
\\
Спяваў у арэшніку шэры салоўка,\\
Хваліў іх і спрытна і лоўка.\\
\\
Тут ветрык прачнуўся на яснае ранне,\\
Пачаў між лістоў сваё гранне.\\
\\
I сонца з-за гаю зірнула харобра:\\
– Дзень добры! дзень добры! дзень добры!\\
\\
I зоркі патухлі, патухла зарніца,\\
I змоўк салавей на галінцы.

 


===== Падобныя старонкі =====
  * [[творы/змітрок-бядуля/змітрок-бядуля-на-каляды-к-сыну]]
  * [[творы/змітрок-бядуля/змітрок-бядуля-велікодныя-яйкі]]
  * [[творы/змітрок-бядуля/змітрок-бядуля-маці]]
  * [[постаці/змітрок-бядуля]]
  * [[творы/змітрок-бядуля/змітрок-бядуля-нібы-рупны-араты]]