~~META:
title = Змітрок Бядуля — Вясной
&keywords = сонца
&abstract = Чытаць верш "Вясной" Змітрака Бядулі
&iftrue = nan
~~

====== Змітрок Бядуля — Вясной ======
Грэе сонца, свеціць сонца,\\
Пахнуць кветкі і трава.\\
Радасць, радасць, гул бясконца,\\
Скачуць жабы – ква-ква-ква!\\
\\
Птушкі-грайкі вядуць гулі\\
На бярозавым суку.\\
Кліча ў поле птах-зязюля,\\
Кліча зычна – ку-ку ку!\\
\\
Шэпчуць дрэвы. Грае рэчка.\\
Квокчуць куры на дварэ.\\
Скок і скок на луг авечка.\\
Брыкне, мэкне – мэ-мэ-мэ!\\
\\
Матылёчак, як вясёлка,\\
Мігаціць пад гул і шум,\\
Над мядочкам звоніць пчолка,\\
Баіць байкі – зум-зум-зум!\\
\\
Як жывыя – гай, шнурочкі.\\
Грае, ззяе ўся зямля.\\
А хлапчына на лужочку\\
У свісцёлку – тра-ля-ля!

 


===== Падобныя старонкі =====
  * [[ibdc.ped>абуджэнне-3649]]
  * [[творы/якуб-колас/якуб-колас-вясна]]
  * [[ibdc.ped>сустрэча-вясны]]
  * [[ibdc.ped>гуканне-вясны]]
  * [[ibdc.ped>прыход-вясны]]