~~META:
title = Верш Змітрака Бядулі "Вясной (То не снег – то чаромха цвіце...)"
&keywords = снег
&abstract = Верш Змітрака Бядулі "Вясной (То не снег – то чаромха цвіце...)"
&iftrue = nan
~~

====== Змітрок Бядуля — Вясной ======
То не снег – то чаромха цвіце:\\
Падарунак вясны-дабрадзейкі,\\
То не снег – то бярозка расце,\\
То не снег – матылёчкаў сямейка.\\
\\
То не шоўк – гэта рунь пад гарой,\\
То вясны маладой арнаменты,\\
То не скарб дарагі над зямлёй –\\
То праменняў блішчаць дыяменты.\\
\\
То не водгукі струн залатых, –\\
То жаўронак чаруе ратаяў;\\
Ён у спевах вясновых у тых\\
Хараство ніў-палёў усхваляе.

 


===== Падобныя старонкі =====
  * [[ibdc.ped>гуканне-вясны]]
  * [[ibdc.ped>сустрэча-вясны]]
  * [[творы/якуб-колас/якуб-колас-вясна]]
  * [[ibdc.ped>абуджэнне-3649]]
  * [[ibdc.ped>прыход-вясны]]