~~META:
title = Апавяданні і вершы Змітрака Бядулі для дзяцей
&keywords = Змітрок, Бядуля, апавяданне, чалавек
&abstract = Тэматычная разнастайнасць і гуманістычны пафас апавяданняў і вершаў Змітрака Бядулі, якія ўваходзяць у дзіцячае чытанне
&iftrue = nan
~~

====== Апавяданні і вершы Змітрака Бядулі для дзяцей ======
У апавяданнях [[постаці/змітрок-бядуля|Змітрака Бядулі]], якія ўваходзяць у дзіцячае чытанне, выразна прасочваюцца 2 кірункі:\\
1. Тэма загубленага дзяцінства («Малыя дрывасекі», «Пяць лыжак заціркі»), у гэтых апавяданнях адчуваецца пратэст пісьменніка супраць бязрадаснага дзяцінства і сацыяльна-грамадскіх умоў, якія пазбаўляюць дзяцей шчасця;\\
2. Творы, у якіх Змітрок Бядуля імкнецца пранікнуць ва ўнутраны свет маленькага чалавека, раскрыць яго псіхалогію, паказаць яго здольнасці і таленты (апавяданні «Велікодныя яйкі», «Дзе канец свету»).\\
«[[творы/змітрок-бядуля/змітрок-бядуля-пяць-лыжак-заціркі|Пяць лыжак заціркі]]». Сям’я хворага Антося і Агаты чакае заціркі. Вясна, па вёсках пануе галадуха, Агаце пашанцавала выенчыць фунт мукі ў суседа і прыгатаванае снеданне стала вялікім святам для шчаслівай у той момант сям’і. Вялікім няшчасцем стаў прыход не менш галоднай суседкі Сцёпчыхі, якая з’ела 5 лыжак заціркі.\\
«[[творы/змітрок-бядуля/змітрок-бядуля-малыя-дрывасекі|Малыя дрывасекі]]». Галоўныя героі – 2 браты. Старэйшаму хлопчыку Цішку – 10 г, а меншаму, Халімону – 8 г. Бацька іх працаваць не мог, ён быў кульгавы. І хлопчыкі вымушаны былі ісці ў лес на заробкі. Калі ўзнялася завея ўсе дрывасекі разбегліся па дамам, Цішка і Халімон засталіся, баяліся каб бацька не наракаў, што зарана прыйшлі з лесу. А калі вырашылі ўсё ж пайсці, то заблудзіліся і замерзлі. Яны бачылі сон, у якім збылося іх жаданне адно на дваіх. «Сядзяць яны за сталом, матка і бацька рады, што яны прыйшлі. Яны пад’елі і на печы паснулі».\\
«[[творы/змітрок-бядуля/змітрок-бядуля-велікодныя-яйкі|Велікодныя яйкі]]». Галоўны герой – хлопчык Сцяпанка па мянушцы Пяцкун, бо ён захапляўся маляваннем. Ніхто яго не разумеў. Толькі на Вялікдзень яму куплялі фарбы і дазвалялі фарбаваць яйкі. Калі загінуў бацька, то маці не змагла купіць сыну фарбы. І тады хлопчык на велікодных яйках сваёй крывёю намаляваў партрэт бацькі, забітага на вайне. Заканчваецца апавяданне аптымістычнымі спадзяваннямі на лепшую будучыню мастака. Чутку аб дзіўных велікодных яйках пачулі студэнты з суседняй вёскі і падарылі Сцяпанку скрыначку з рознымі фарбамі. Яны абяцалі яго вучыць і ў горад забраць, гаварылі, што з яго выйдзе вялікі чалавек.\\
«[[творы/змітрок-бядуля/змітрок-бядуля-дзе-канец-свету|Дзе канец свету?]]». Хлопчык Янка увесь час разважае, фантазіруе, захапляецца таямніцамі навакольнай прыроды. Але больш за ўсё яго хвалюе пытанне: дзе канец свету? Дарослыя не даюць яму адказу (бацька працуе і яму няма часу, баба Аўдоцця не ведае, дзядзька Арцём смяецца з яго пытанняў). Аднойчы хлопчык вырашае, што сонейка ведае, дзе канец свету, ён пакідае свой статак гусей і бяжыць услед за ім. Канчаецца апавяданне тым, што Янка разважае: «Увосені ў школу пайду, вучыцца буду і аб усім даведаюся».\\
У лірычных творах паказана незвычайна яркая прырода. Паэт паказвае абуджэнне прыроды пасля ночы, зімы. Вершы лірычныя, мілагучныя, напеўныя. Вершы «Мае забавы», «[[творы/змітрок-бядуля/змітрок-бядуля-гаспадарка|Гаспадарка]]» абуджаюць фантазію дзяцей. Сваімі вершамі Змітрок Бядуля вучыць дзяцей з любоўю, паэтычна глядзець на свет, адчуваць музыкальнасць роднага слова, садзейнічае развіццю назіральнасці.\\
У сваіх творах Змітрок Бядуля закранае пытанні, якія хвалююць маленькага чытача і дапамагаюць яму разабрацца ў жыццёвых праблемах.

 


===== Падобныя старонкі =====
  * [[творы/эдзі-агняцвет/эдзі-агняцвет-беражы-зямлю-і-неба]]
  * [[творы/максім-танк/творы-максіма-танка-для-дзяцей]]
  * [[творы/пімен-панчанка/пімен-панчанка-дзеці-вайны]]
  * [[творы/артур-вольскі/артур-вольскі-дзеці]]
  * [[ibdc.ped>слухайце-адзін-аднаго]]