~~META:
title = Еўдакія Лось — Санет
&keywords = люблю
&abstract = Чытаць Санет Еўдакіі Лось
&iftrue = nan
~~

====== Еўдакія Лось — Санет ======
Нашто ты мне, калі я не люблю\\
Цябе душою, думкай, летуценнем,\\
Калі між соцень гукаў, іх адценняў\\
Твой голас сэрцам чулым не лаўлю?\\
\\
Нашто ты мне, калі я не раблю,\\
Каб ты ў жыцці не ведаў гора ценю,\\
Каб давяраўся чыстаму сумленню,\\
З якім ступіў на гэтую зямлю?\\
\\
А ты хоць раз падумаў, мой адзіны,\\
Што часу непаўторныя гадзіны\\
Бяздумна і дарэмна траціш ты?\\
\\
Згадай і, можа быць, тады адчуеш,\\
Што ты цвіцеш чарнобылем пустым,\\
А сэрца, што жыве табой, не чуеш...\\
\\
1957

 


===== Падобныя старонкі =====
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/янка-купала/янка-купала-для-зямлі-прадзедаў-маіх]]
  * [[слоўнік/санет]]