~~META:
title = Еўдакія Лось — Сакавік
&keywords = сакавіку, абудзіўся
&abstract = Чытаць верш "Сакавік" Еўдакіі Лось
&iftrue = nan
~~

====== Еўдакія Лось — Сакавік ======
Абуджаюцца зямныя сокі,\\
Бродзяць хмелем п’яным, маладым.\\
На палях з праталін чарнавокіх\\
Ўецца туманоў бялявы дым.\\
\\
Набіраюць сілу-моц рачулкі,\\
Каб пабегчы хутка як адна.\\
На палеткі, бальшакі, ў завулкі\\
Маладая сочыцца вясна...\\
\\
Забывае дома рукавіцы\\
Муляр, на будоўлю ідучы...\\
Хутка загарацца бліскавіцы\\
I дажджы зашэпчуць уначы.\\
\\
Хутка над зялёнаю прысадай\\
Прагучыць зязюльчына «ку-ку!».\\
Абудзіўся свет.\\
Я вельмі рада,\\
Што радзілася ў сакавіку!\\
\\
1957

 


===== Падобныя старонкі =====
  * [[творы/еўдакія-лось/еўдакія-лось-казка-пра-ласку]]
  * [[творы/казімір-камейша/казімір-камейша-сакавік]]
  * [[творы/ніна-мацяш/ніна-мацяш-са-святам]]
  * [[ibdc.ped>сакавіцкае-пісьмо]]
  * [[творы/клаўдзія-каліна/клаўдзія-каліна-сакавік-і-яго-сёстры]]