~~META:
title = Еўдакія Лось — Роднай мове
&keywords = санет, роднай, мова
&abstract = Чытаць санет "Роднай мове" Еўдакіі Лось
&iftrue = nan
~~

====== Еўдакія Лось — Роднай мове ======
Табе складаю шчыры свой санет,\\
Прапрадзедаў маіх жывая мова, –\\
Майго народа першая аснова,\\
Душы яго шырокі, чысты свет!\\
\\
Калі і я ў табе пакіну след,\\
Хай не на ўсю ступню, хай напалову, –\\
Твая заслуга, казачнае слова.\\
Адзнака новых радасных прыкмет!\\
\\
Да глыбіні душы мяне хвалюе,\\
Як пазнаю цябе і прагна п’ю я,\\
Нібы вады з крыніцы мне далі.\\
\\
I крочу, маладая, з асалодай\\
Па гэтай любай, сонечнай зямлі,\\
Дзе роднай мовай дадзена валодаць!\\
\\
1957

 


===== Падобныя старонкі =====
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[слоўнік/вянок-санетаў]]
  * [[творы/янка-купала/янка-купала-для-зямлі-прадзедаў-маіх]]
  * [[слоўнік/санет]]