~~META:
title = Еўдакія Лось — На магіле брата
&keywords = мамы, жыцці, Беларуссю
&abstract = Чытаць верш Еўдакіі Лось "На магіле брата"
&iftrue = nan
~~

====== Еўдакія Лось — На магіле брата ======
//Тады, сястрычка, успамяні\\
Усіх, хто з бою не вярнуўся,\\
Каб намі высненыя дні\\
Зноў паплылі над Беларуссю.\\
//

//В. Таўлай//

\\
Я да цябе прыйшла здалёк...\\
Ты рады, брат мой? Я таксама.\\
Сюды, ў далёкі гарадок,\\
Нясу вітанне я ад мамы.\\
\\
Матулю родную прабач:\\
Старая ўжо, самой не проста\\
Пад колаў стук, пад свой жа плач\\
Адлічваць шляху сотні вёрстаў.\\
\\
Ты ў бронзе той жа, што ў жыцці:\\
Высокі, зграбны, твар прыгожы...\\
Як да цябе, аднак, зайсці? –\\
Твой двор абнесен агарожай...\\
\\
Не на стале – на кургане\\
Кусты буйных духмяных кветак...\\
Хто пасадзіў іх? Піянер,\\
Дзяўчына, бабка ці падлетак?\\
\\
Я слёзы выцерла, зірні:\\
Табою, брат мой, ганаруся,\\
Бо намі высненыя дні\\
Плывуць, звіняць над Беларуссю!\\
\\
1956

 


===== Падобныя старонкі =====
  * [[творы/еўдакія-лось/еўдакія-лось-казка-пра-ласку]]
  * [[творы/еўдакія-лось/еўдакія-лось-маці]]
  * [[творы/еўдакія-лось/жыццёвы-і-творчы-шлях-еўдакіі-лось]]
  * [[творы/еўдакія-лось/еўдакія-лось-уцякач]]
  * [[творы/еўдакія-лось/еўдакія-лось-зайчык-выхваляйчык]]