~~META:
title = Еўдакія Лось — Мамін атэстат
&keywords = паць, мама
&abstract = Чытаць верш Еўдакіі Лось "Мамін атэстат"
&iftrue = nan
~~

====== Еўдакія Лось — Мамін атэстат ======
Сын здзівіўся нават,\\
выйшаў з-за стала:\\
мама вучаніцай\\
некалі была!..\\
\\
Мама праглядае\\
стус папер сваіх.\\
Розныя іх назвы\\
сын чытае ўслых.\\
\\
Тут білеты, кніжкі,\\
пісьмы ад сяброў.\\
Нават ордэн ззяе\\
пасярод дароў!\\
\\
Граматы у мамы,\\
падарункаў шмат.\\
На адну паперу\\
глянуў: «Атэстат»...\\
\\
Прачытаў, здзівіўся,\\
сеў ён да стала:\\
мама вучаніцай\\
некалі была?\\
\\
Аркушык пажоўклы,\\
сіняя пячаць...\\
– Малайчына, мама:

пяць,

пяць,

пяць!..

Ды ў цябе пяцёркі\\
круглыя падрад!..\\
\\
Вось калі спатрэбіўся\\
мамін атэстат!\\
\\
1975

 


===== Падобныя старонкі =====
  * [[ibdc.ped>на-скрыжаванні]]
  * [[ibdc.ped>сустрэча-з-маці]]
  * [[творы/янка-золак/янка-золак-ода-маці]]
  * [[ibdc.ped>i-надыходзіць-дзень]]
  * [[ibdc.ped>да-маці]]