~~META:
title = Еўдакія Лось — Лепель
&keywords = Лепель
&abstract = Чытаць верш Еўдакіі Лось "Лепель"
&iftrue = nan
~~

====== Еўдакія Лось — Лепель ======
Зялёны Лепель, сэрцу мілы,\\
азёрнай гладзі акіян,\\
ва ўтульным садзіку – магілы\\
байцоў і слаўных партызан.\\
Жывеш ты, ліўнямі прамыты,\\
грамамі хрышчаны не раз,\\
шпакамі з даўніх дзён абжыты\\
і бэзам – быццам напаказ!\\
Жывеш, раённая сталіца,\\
сярод палёў, як працаўнік.\\
«У Леплі злеплен!» – ганарыцца\\
мой аднагодак-жартаўнік.\\
Мы з ім прыехалі на стрэчу\\
з юнацтвам, з тым, пра што пяю...\\
Тут краскі лугавыя лечаць\\
прастуду даўнюю маю.\\
Пад небам хмарным здаравею,\\
расту, як хвоя, пад дажджом,\\
пад навальніцаю – смялею,\\
зайсці гатова ў кожны дом...\\
Зялёны Лепель, як найлепей\\
гадуй сваіх ты дзіцянят.\\
Хай шчасце казачнае лепяць\\
усе харошыя падрад!\\
\\
1966

Крыніца: Лось Е. І каласуе даўгалецце: Вершы / Уклад. М. Я. Ярашэвіч, М. Я. Клімовіч. – Мн.: Маст. літ., 1998. – 367 с.

 


===== Падобныя старонкі =====
  * [[творы/еўдакія-лось/еўдакія-лось-маці]]
  * [[творы/еўдакія-лось/еўдакія-лось-казка-пра-ласку]]
  * [[творы/еўдакія-лось/жыццёвы-і-творчы-шлях-еўдакіі-лось]]
  * [[творы/еўдакія-лось/еўдакія-лось-уцякач]]
  * [[творы/еўдакія-лось/еўдакія-лось-зайчык-выхваляйчык]]